مناجاة بيني وبين خاطري
مكسور خاطري
والكسر صاعب جبره
غير من يقول لي
كيف المواجع تبرا؟!
***ياخاطري
هااانت عليا جروحي
القيتك قريب احداي
تلمس روحي
انفضفض ونحكيلك
اسراري وبوحي
ومن وسط قلبي خانقتني العبرة
نبكي ظلمني الوقت
هد صروحي
وقلبي بكى م الوقت هللي جبره
مكسور خاطري
والكسر صاعب جبره
من يقول لي كيف المواجع تبراااا؟!
***حسيت بيك ف روحي
تنزف وجرحك زاد فيا جروحي
وياخاطري واجد بكاي ونوحي
ما لقيت من يعرف سطوري يقرااا
مكسور خاطري
والكسر صاعب جبره
من يقول لي كيف المواجع تبراااا؟!
***قال خاطري:
مافيش شي صعب
ياجرح في قلبي معاي قريب
كيف مالجرح يجض
ليه طبيب
وكيف ما بلاك الله
ياتي صبره
مكسور خاطري والجرح
صاعب جبره
غير من يقول لي
كيف المواجع تبراااا؟!
بقلمي..مريم الورفلي
Arabic Hroof website